الرئيسية
مابي طعم والله صبحك اليه***كون الصباح الخير تلزگ عليه
ما چذب الي گال عندي ابدالك*** صح انه احب اثنين انته وخيالك
غيرك تظن محبوب سكنته روحي***لو دورت بالروح تلگه انته روحي
تشتاگ الى ساعات بس اني والله***اشتاگ الك كل يوم گد رحمة الله
سلاني سل فرگاك ذوبني شمعه***وضلوعي ثق تنشاف من غير اشعه
صح انته ما معروف بس والله شاعر***وبگد نفوس الصين عندك مشاعر
الشاعر چذب ما مات عايش بالگلوب***مثل الضوه ياناس عاشگته الدروب
تكتب يريت الناس واتمنه تقره***واحلم يمرنه العيد ماعدنه فقره
ثق الجمال البيك لو بيه يندار***حتى الگمر بالليل مايطلع ايغار
تدري شكثر مشتاگ ماصدگتني***گد ما عدد دگات گلبك تحبني
نعسان بس مو نوم وبشوفك اصحه***تگدر تكمل البيت تگدر توضحه
خابرتك انه اهواي ما خابرتني***بس لا صدگ زعلان ما جاوبتني
موخوه لا غلطان لا مو صداقه***استاذ وي تلميذ طبع العلاقه
مو كل طفل بالعيد ينطوه هديه***هيچ انته يعني اتصير بالنسبه اليه
لامانه منقول
